အလံခိုးခြင်းလော၊ အနိုင်ကျင့်ခြင်းလော

ဖိုးသောကြာ
၂၅ အောက်တိုဘာ ၂၀၁၀
ခုတလော မြန်မာ့ နိုင်ငံ ရေး မှာ ရေပန်းစား၊ ခေတ်စား လာတဲ့ အကြောင်းကတော့ နအဖ စစ်အစိုးရက အလံ ပြောင်းလဲ လိုက်တဲ့ အပေါ် ဝေဖန် ကြတဲ့ စကားလုံးများ ဖြစ်ပါတယ်။

လွန်ခဲ့တဲ့နှစ်က စာရေး သူတို့ နေတဲ့ မြို့စာသင်ကျောင်းမှာ အခန်းအနား တစ်ခု လုပ်တော့ စာသင်ကျောင်းက ဆရာမတွေက ပြည်ပ နိုင်ငံက ရောက်လာတဲ့ နိုင်ငံခြားသားတွေ မိမိနိုင်ငံ ရဲ့ ဆိုင်ရာ အလံတွေ ယူလာခဲ့ဖို့၊ ပြီးတော့ အခန်းအနားမှာ လွှင့်ထူကြဖို့ ပြောပါတယ်။

အဲဒီအခန်းအနားမှာ တခြားနိုင်ငံတွေက ပြဿနာ မရှိခဲ့ပေမယ့် မြန်မာ နိုင်ငံသားတွေ ကြားမှာ ပြဿနာ တက်ကြ ငြင်းခုန် ကြ ဖြစ်ကြပါတယ်။
နိုင်ငံရေးသမားလို့ အမြဲ ပြောလေ့ ရှိတဲ့ လူ တစ်ဦးက ၁၉၄၈- ခုနှစ်က လွတ်လပ်ရေး ပြီးစ အလံကို လွှင့်မယ် လုပ်ပါတယ်။

ဒီတော့ အခြား တစ်ယောက်က အဲဒါမြန်မာနိုင်ငံရဲ့ လက်ရှိ အလံမဟုတ်ပါဘူး ဆိုပြီး လက်ရှိ သုံးနေတဲ့ -စပါးနှံ စက်သွား ပါ၊ ကြယ် ၁၄ လုံး အလံကို တင်ပါတယ်။
ဒီတော့ စောစောက နိုင်ငံရေးသမားဆိုသူက - အဲဒါ စစ်တပ်က လုပ်ထားတဲ့ အလံပါ ။တရား မ၀င်ပါဘူး၊ ငါတို့ အသိအမှတ် မပြုဘူး ဆိုပြီး လုပ်ပါတယ်။


နအဖစစ်တပ် သုံးသည့် အလံသစ်ကို တချိန်က ထိုင်း-မြန်မာနယ်စပ် မာနယ်ပလောရှိ အခန်း အနားတွင် ဤသို့ ထယ်ဝါစွာဖြင့်တွေ့ ခဲ့ရစဉ်

ဒီအချိန်မှာ အင်အယ်လ်ဒီ-အယ်လ် ဆိုတဲ့ ပါတီဝင် ဆိုတဲ့ နောက် တစ်ယောက်က ခွပ်ဒေါင်း၊ ကြယ် ပါတဲ့ အလံကို တင်ပါတယ်။
ဒီအလံက ပြည်သူ အများ မဲပေးလို့ နိုင်ထားတဲ့ ပါတီအလံပါ။ အစိုးရ ဖွဲ့ ခွင့်ရရင် အစိုးရ ဖြစ်မယ့် ပါတီ အလံ ဆိုပြီး ရှင်းလင်း ပြောပြ ပြန်ပါတယ်။

ဒီတော့ နိုင်ငံခြားသား ကျောင်းဆရာက လက်ရှိ သူ့နိုင်ငံအစိုးရကထုတ် တရားဝင် အသိအမှတ် ပြုလက်ခံ ထုတ်ဝေ ထားတဲ့ စာအုပ် မှတ်တမ်း အရ အလံကိုပဲ တင်ရမယ်ဆိုပြီး ပြောတော့မှ စပါးနှံ၊ စက်သွားနဲ့ ကြယ်ဖြူ- ၁၄ လုံးပါ အလံကို နိုင်ငံတကာ အလံများ ကြားမှာ ကပ်ခွင့်ရပါတယ်။

နောက်တစ်ခုက ၁၉၈၈ အေ၇း အခင်းကာလမှာ စပါးနှံ၊ စက်သွားနဲ့ ကြယ်ဖြူ- ၁၄ လုံးပါ တွေကို ဇောက်ထိုး လွှင့်ကြ၊ ကန့် ကွက်ကြတာ လဲ မမြင်ချင်အဆုံး၊ ဇောက်ထိုး အလံတွေ ကိုင်ဆောင်ပြီး တပျော်တပါး ချီတက်နေကြတဲ့ ပုံတွေ စာစောင်တွေမှာ မြင်ရပါတယ်။

အဲဒီ အလံကို မကြိုက်ပါဘူး ဆိုတဲ့ လူ တချို့က ခု ချိန်မှာ စစ်အစိုးရက အလံသစ်နဲ့ ပြောင်း လိုက်တော့မှ အရင် အလံ ကောင်းပါတယ်။ အရင် စပါးနှံ၊ စက်သွားနဲ့ ကြယ်ဖြူ- ၁၄ လုံးပါ အလံကမှ ပြည်ထောင်စု ကိုယ်စား ပြုတာ ဘာညာ ဆိုပြီး အသံတွေ ပြန်ကြားလာရပါတယ်။


နအဖစစ်တပ် သုံးသည့် အလံသစ်ကို တချိန်က ထိုင်း-မြန်မာနယ်စပ် မာနယ်ပလောရှိ အခန်း အနားတွင် ဒေါက်တာ စိန်ဝင်း အဖွဲ့ နှင့်အတူ ဤသို့ ထယ်ဝါစွာဖြင့်

နအဖ စစ်အစိုးရကတော့-အလံသစ်မှာပါတဲ့ အ၀ါရောင်က ဘာသာ၊ သာသနာနဲ့ ပညာတိုးတက်ခြင်း၊
အစိမ်းရောင်က စပါးဆန်ရေ၊ ကျွဲနွားနဲ့ အထွေထွေ ပေါများခြင်း၊
အနီရောင်က ရဲရင့်သော စိတ်ဓာတ်ခွန်အား၊ အဖြူရောင်ကြယ်က ပြည်ထောင်စုကို ကိုယ်စားပြုခြင်း
ဖြစ်တယ်လို့ ဖွဲ့စည်းပုံ အခြေခံဥပဒေ ရေးဆွဲစဉ်က ထုတ်ပြန်ခဲ့တယ်။

ထူးခြားတာက အခု လက်ရှိ စစ်စိုးရက သုံးလိုက်တဲ့ အလံဟာ ပြည်ပ အခြေစိုက် ပြည်ထောင်စု မြန်မာ နိုင်ငံ ညွန့် ပေါင်း အစိုးရက ထိုင်း မြန်မာ နယ်စပ် မာနယ်ပလောမှာ စတင်ရွေးချယ်အသုံးပြုခဲ့တဲ့ အကြောင်း၊ ပြည်ထောင်စု မြန်မာ နိုင်ငံ ညွန့် ပေါင်း အစိုးရအဖွဲ့မှ ၀န်ကြီး ဦးဘိုလှတင့်က ဘီဘီစီ သတင်းဌာနကို ၂၅ အောက်တိုဘာ ၂၀၁၀ မှာ ထုတ်ဖော် ပြောဆိုပါတယ်။
ဒါဆိုရင် လက်ရှိ သုံးရောင်ချယ် ကြယ် ဖြူ ပါ အလံသစ်ကို တိုင်းရင်းသားတွေ ကိုယ်စား မပြုဘူး၊ နိုင်ငံသား သန်း (၆၀)ကို ကိူယ်စားပြုဘူး၊ ဆန့် ကျင် ရှုတ်ချ ကြတဲ့ သူတွေဟာ ဘာကို ရှုတ်ချ ကြတာလဲ ဆိုတာ စဉ်းစား ရ ခက်ကုန်ပါပြီ။

တချိန်က ပြည်ထောင်စု မြန်မာ နိုင်ငံ ညွန့် ပေါင်း အစိုးရအဖွဲ့က ထိုင်း မြန်မာ နယ်စပ် မာနယ်ပလောမှာ ဒီအလံကို အသုံး ပြုစဉ်ကရော မြန်မာ ပြည်သား သန်း ၆၀ ကိုကျောခိုင်းပြီး အသုံး ပြုခဲ့ သလားလို့ မေးရရင် အခက်ကြီး ခက်ရမယ့် စကားလုံးပါ။

ဒီအလံက ၂၀၀၈ ဖွဲ့စည်းပုံ အတည်ပြုပြီး စာအုပ် ထုတ်ဝေစဉ်ကတည်းက ပါပြီးသားပါ။
၂ နှစ်နီးပါး ကြိုတင်ပြီး သိထားပါလျှက်နဲ့ ၊တချိန်ချိန်မှာ ဒီအလံ နအဖ စစ်အစိုးရက သုံးမယ် ဆိုတာ သိပြီး ဖြစ်ပါလျှက်နဲ့ ဘာဖြစ်လို့ အတိုက်အခံတွေက ဒို့ မာနယ်ပလောမှာ သုံးခဲ့ တဲ့ အလံပါလို့ မပြောခဲ့ကြတာလဲ။
ရိုးသားတဲ့ သာမန် ပြည်သူတွေအဖို့ သို့လော သို့လော “ တွေးရခက်ကြီး ” ဖြစ်နိုင်ပါတယ်။

ဒါဟာ တိုက်ဆိုင်မှုလား၊ လေ့လာ ဆန်းစစ်မှု အား နည်းလို့လား၊ ဆိုတဲ့ ဘီဘီစီမှ အမေးကို ပြည်ထောင်စု မြန်မာ နိုင်ငံ ညွန့် ပေါင်း အစိုးရအဖွဲ့က နိုင်ငံခြားရေး ၀န်ကြီး တာဝန် ယူထားသူ ဦးဘိုလှတင့်က “ အခု ကိစ္စဟာ အလံတော်ကို ခိုးယူခြင်း ခံရတာပါ” လို့ ထုတ်ဖော်ပြောဆိုပါတယ်။

တကယ်လို့များ ပြည်ထောင်စု မြန်မာ နိုင်ငံ ညွန့် ပေါင်း အစိုးရအဖွဲ့က ပြည်ပက ထောက်ပံ့ ပေးကမ်း ကူညီတဲ့ ဘတ်-သန်းချီနေတဲ့ ငွေတွေနဲ့ ရေးသားခဲ့တဲ့ ညောင်နှစ်ပင် ညီလာခံနဲ့အပြိုင် ဖက်ဒရယ် ဖွဲ့စည်းပုံအခြေခံ ဥပဒေကို သာ ၂၀၀၈ နအဖ စစ်အစိုးရ ဥပဒေ မထွက်လာခင် ကုကသမ၈္ဂကို အချိန်မီ တင်နိုင်ခဲ့ရင် ထုိင်းဘတ်ငွေ သန်း တစ်ရာကျော် အကုန်အကျခံ ထောက်ပံ့ပေးပြီးကျိုး နပ်ပြီး၊ အခုလို အငြင်းအခုန် ဖြစ်လာ နိုင်စရာ မရှိဘူးလို့ မြင်မိပါတယ်။


နအဖ စစ်တပ် အစိုးရမှ အသစ်လွှင့်တင်လိုက်သည့် အလံသစ်ကို ရန် ကုန် မြို့ တော် ခန်းမ ရှေ့ တွင် မြင်ရစဉ်- -

နအဖက ရွေးကောက်ပွဲကို အတိုက်အခံတွေ ဖျက်ဆီးမှု ကနေ လမ်းလွှဲအောင် ငြင်းခုန်စရာ အသစ်တစ်ခု ဖန်တီး ပေးလိုက် သလိုပါပဲ။
အကြောင်းအရာ အသစ် တခု ပေါ်လာတိုင်ြးဲငင်းခုန်၊ လေလုံး သန် တတ်တဲ့ အကျင့် ရှိတဲ့ အတိုက်အခံ ဆိုသူတွေ အသံကို ဆက်လက် ကြားရဖွယ် ရှိပါတယ်။
ဒီအပေါ်မှာ ဘီဘီစီကလဲ ဒီအလံသစ် ပြောင်းလဲခြင်း အပေါ် အထင်အမြင်တွေ ထုတ်လွှင့်ပါဦးမယ် ဆိုပြန် ကြေငြာ ပြန်ပါတယ်။

ရွေးကောက်ပွဲ ဆန့် ကျင်ရေး လုပ်နေတဲ့ သူတွေ လမ်းကြောင်း မလွဲ စေဘဲ၊ ငြင်းခုန်မှု လေလှိုင်းကြာမှာ ပူးတွဲ မျှောပါခြင်း မရှိကြဘဲ ၊ မိမိ တို့ လုပ်ကိုင်ဆဲ လုပ်ငန်းများကို ဆက်လက်ပြီး အကျိုး ရှိအောင် ကန့် ကွက် ငြင်းဆန် တိုက်ပွဲဝင် လုပ်ကိုင်နေဖို့ လိုပါမယ်။

နိုင်ငံရေး သမား ကြီး ဆိုသူတို့ လက်ခုပ်သံ ကြားရမည့် ၊ နိုင်ငံခြားမှ ငွေကြေးထောက်အပံ့ ရစေနိုင်မည့် အလုပ်များ၊ စကားလုံးများ၊ ရွေးချယ် ပြောဆိုမှု မှ ကင်းဝေကြပြီး အမှန် တကယ် တိုင်းကျိုး ပြည်ကျိုး လုပ်ငန်းများ လုပ်ကိုင်မှ တိုင်းပြည်အမှန် တိုးတက်၍ ဒီမိုကရေစီ ရှိ ထွန်းကား သာယာဝပြော နိုင်ပါမည်။