JINGHPAW HPYEN MA NI SINNA GA DE SA AI LAM (A KACHIN MILITARY VENTURE )

BY MAJOR C.M.ENRIQUEZ. 85th Burma Rifles

Anhte Jinghpaw a Mejat Enriket [Major C.M. Enriquez] Shingma galu Duwa ka da ai Jinghpaw hpyen ma ni sinna ga de sa du ai lam hte, anhte Jinghpaw amyu ting a matu sakse hkam ai, ndai shanhpraw Duwa nan re ai hpe matsing nga ga law.

Jinghpaw ma ni sinna ga de sa du nna, D Coy ngu ai Jinghpaw Coy hte Jinghpaw ma ni a lam hpe chye na matu, Jinghpaw masha ni arawng lu ai hte, masha amyu ni e matsing da ai laika hta lawm lu ai gaw grai kabu shara rai nga ai law.

[ Lawu de na dai duwa ka tawn da ai laika hkrang hpe nshai ai hku madun dat ai. ]

Aw ngai hte rau mazum kanawn hkawm nga ai, tsawra ai Jinghpaw ma ni e, Moi shawng de Jinghpaw ni bumga de sha hkawm ai raitimung, ya nanhte Jinghpaw ma ni sinna ga de grai hkawm sai law. Hpyen gasat ai shaloi Jinghpaw hpyen ma ni atsuya amu magam ni hpe, atsawm sha gun hpai shingtau nga ga ai. Dai majaw Jinghpaw ni a arawng grai kaba sai law. 

Mungkan ting nga ai masha ni, Jinghpaw ni a mying ya chye masai, anhte sinna ga de hkawm ai lam, galoi rai timung n mai malap kau na, dai majaw nanhte Jinghpaw ni hpe ngai laika loi mi ka da ya mayu nngai, ndai laika atsawm sha sadi kyem da mu law. Ndai laika hpe hkum shamat kau mu, nanhte a kashu kasha ni dai laika hpe mu hti yang gaw, Jinghpaw hpyen ma ni a arawng kaba ai lam hpe chye na re.

1917 ning July shata30 ya Jinghpaw hpyen ma ni Myen ga kaw nna rawt sa wa ma ai. 1917 ning August shata 15 ya shani MESOPOTAMIA ga du sai, August shata kaw nna December shata du hkra QUALAT SALE nga nna, hkawm masai. Hpyen amu magam atsawm sha sharin ngut jang, AMARA ngu ai shara de bai htawt hkawm wa sai. AMARA de laning mi jan nga sai. Dai shara e nga ai shaloi, hpyen ma ni Guard Santari amu bungli ram ram yubak hkrum sai law.

Raitimung Jinghpaw hpyen ma ni grai myit sadi myit kaba ai hte shani shana shakut sharang masai. Dai majaw BAGDAD ngu ai shanhpraw du kaba wa, nanhte Jinghpaw ma ni a matu laika ka sai. Jinghpaw ma ni hpe grai kabu ai, shi dai lam tsun sai. 85th EIGHTY FIFTH, Burma Rifles Dap ni amu hpe grai sadi galaw ai majaw, ngai grai kabu sai. Bai Jinghpaw ni Hkawhkam wa a hpyen amu hpe atsawm sha galaw ma ai law. Ndai lam grai kabu shara re ai. Hpa majaw nga yang anhte atsuya hpe garum na matu, bai nna Jinghpaw bumga de arawng kaba na matu hpyen majan gasat ai shara hkan hkawm ga ai law.

1918 ning December shata hta Bagdar Du wa hte arawng kaba ai hte htawt hkawm sai law. Aw ya ngai tsawra ai kahpu kanau hpu wa makyin jinghku manang ni e, Jinghpaw ni a myit masin, hkauna zawn rai nga ai. Hkauna hpe nahtai hte galau ai, dai zawn Jinghpaw ma ni a myit hpe hpaji hte galau na, bai hkauna hta mam gat lu ai, dai zawn Jinghpaw ni a myit hpe hpaji hte gat lu na. Hkauna e mam mangai nga ai shaloi akyu grai lu nga ai. Dai zawn Jinghpaw ma ni a hpaji mangai ngai ai shaloi, grai akyu lu sai. Ya Jinghpaw hpyen ma ni Nammukdara lai ai majaw, bai nna mungkan ting hkawm ai majaw, mam zawn mangai ngai wa sai law.

Aw nye a tsawra ai manang ni e, Jinghpaw ni a hpung shingkang arawng sadang dinggrin arai nga u ga law. Bum ga de na masha amyu myu, Mesopotemia ga de hkawm masai. Marip ma ni, Lahtaw ma ni, Nhkum ma ni, Maran ma ni. Gauri ma ni, Gareng ma ni, dai hta kaga, Maru, Azi, Lashi. Palawng, Miwa, Yawyin, ndai baw amyu nlang Jinghpaw ma ni hte rau hkawm ma ni

AGYI DU NI NDAI BAW RE AI LAW:

1. Jinghpaw agyi du ni 41
2. Gauri agyi du ni 8
3. Maru agyi du ni 8
4. Azi agyi du ni 2
5. Lashi agyi du ni 2
6. Gareng agyi du ni 1
7. Palawng agyi du ni 1
8. Miwa agyi du ni 2
9. Lisu agyi du ni
Yawng marai 66 rai ma ai.

MESOPOTAMIA ga de hkawm ai ni, nat galaw ai ni rai ma ai. Raitimung Karai Kasang naw ai ni marai 12 lawm ma ai. Manmaw, Myitkyina, Mogok, ga hkan nga ai ni law law, sinna ga de sa du hkawm masai. Ndai masha ni Mali hka, Tahkaw hka, N mau hka, makau hkan na bum ga na masha ni rai ma ai. Raitimung masha nkau mi gaw, kaga ga de na mung lawm shajang ma ai. MYITKYINA Districe, Hpimaw, Htaw Gaw, ga de na masha mung langai lahkawg lawm ma ai.

"San hku” post bum ga makau de nga ai masha ni gaw marai masum rai ma ai. "Sadon Post" makau hkan nga ai ni gaw marai 16 rai ma ai. Ndai ni hte rau Sarzen U Jik La lawm ai. Inglik Asuyan ni Jinghpaw hpyen ma shaga ai shaloi U Jik La shawng de pru tsap ai majaw, shi gaw shagrau sha-a ai hte arawng grai kaba wa sai law.

Ndai Sadon bum ga de nga ai masha ni Lahtaw, Lahpai law ma ai. Bai nna "Simma Post" de nga ai ni marai 8 re. "Nahpaw Post" de nga ai ni marai 11 re hta Lisu 3 lawm ma ai. No. 867 Naik Labya Tang gaw Lisu ni hte rau lawm ai wa re. "Alawbum" "Nalung Post" de nga ni marai 8 rai ma ai. Raitimung ndai masha 8 hta Miwa ga de nga ai masha 4 lawm ma ai. Dai Miwa ga na masha ni gaw, Maru, Marip, Nhkum. ma ni rai ma ai. Bai Manmaw layang ga de nga ai ni marai 7 rai ma ai, No. 458 L/Naik Zahkung Naw lawm ai. Bai nna Sinlum kaba makau post e nga ai ni, masha 55 rai ma ai, ndai masha 55 hta agyi du ni marai 9 re ai. ndai masha 55 hta hpyen ma (Rifle-man) 46 re, Maru 5 lawm ma ai, bai nna Lashi langai lawm ai.

Bai nna No. 1278 Sarzen Lahpai La hte Gauri 8 lawm ma ai, Maru Yinsung kahtawng e nga ai hpyen ma ni gaw, Maru baw amyu rai ma ai. Prang hku dung, Mahtang, Bumwa, Kadaw, Lamai bang, hkan nga ai masha ni gaw Gauri rai ma ai, bai dai shara de Sarzen Chyau Chi Naw lawm ai. Shi a mying hkawt Miwa re ai, bai ndai Jinghpaw agyi ni mung lawm ma ai.

1. No. 402 Naik Kolu Tu.
2. No. 1714 Naik Lazing Naw.
3. No, 406 L/Nk Kumbau Gam.
4. No. 912 “ Lazum Tu.
5. No. 853 “ Galau Sau Gam.
6. No. 1711 L/Naik Lazing La Lum.
7. No. 452 „ Ding Grin Tu.
8. No. 632 Hav Lahtaw La.
9. No.415 L/NK MaruTu. (Miwa ga na)

Duwa a orderly gaw, Mahtang kahtawng na, Jangma Tang, ngu ai wa re. Manmaw dingda maga de ndai mare kahtawng ni ani ni sha nga ai, Man Yawt, Lajawng, Pehtu hpara, Nga kyang, Sai-man Sama, ndai shara hkan anhte a hpyen ma masha 20 nga rna ai, bai nna ndai agyi ni mung lawm ma ai.

1. No. 738 Sarzen Hpawmi Gam.
2. No. 849    „    Nhkum Hka.
3. No. 914    "    L/Naik Kolu Htoi.
4. No. 453    „    Nhkum Tu.
5. No. 237    „    Lama Tang.
6. No. 1735  „    Maji Hka.

Bai nna Sinlum dingda maga ndai mare kahtawng ni ani ni sha nga nga ai, Hutung. Hkring mudan, Tashan, Kawng wai, Shang tai, Hku Hkawng, Kumje kahtawng, Hpalang, Sadon, Maikung, Hpakhum Lahtaw Wala, dai shara hkan e anhte a Jinghpaw hpyenma ni marai 43 nga ma ai, dai 43 hta agyi du 22 lawm ma ai, ndai ga de gaw, Marip Nhkum, law ma ai, bai Gauri 1, Maru ma 2, Lisu ni 11, lawm ma ai, Shang Tai, Hkring mudan, Maru kahtawng, ndai mare 3 Yawyin kahtawng re ai, dai shara kaw Lisu ma ni, Jemadar Myitung Tang, No.471 Sarzen Myitung Gam, No. 391 Sarzen Lasang Gam, No. 2001 Sarzen Lasang Gam, No. 448 L/ Naik Lasang Naw, ni rai ma ai, bai dai ga de Jinghpaw agyi du ni ndai hte mung lawm ma ai.

1. Jemadar Kolu Gam [ Marip ]
2. Jemadar Kumje Naw [Maran]
3. Sarzen Sabaw Yaw [Chyang maja]
4. Naik Sau Tu [Lahpai]
5. Naik MyitungTu [Lahtaw]
6. L/Nk Myitung Tang [Lahlaw]
7. L/ Nk Kareng Tang [Kareng]
8. L/Nk Sam Du [Maran]
9. Hav Zau Yaw [Lahpai]
10. L/Nk Zau Yaw [Lahpai]
11. L/Nk Manam Naw (Maran)

Bai "Lweje Post" de nga ai masha 2 rai ma ai, bai nna Nmau hka kau dingdung bumga makau de nga ai anhte a Jinghpaw hpyen ma ni, marai 63 re, ndai mare ni loi loi ni shajang ma ai, Saga, Banghtan, Gara bumchyang, Hpaidan, Sinti bum, dai mare kahtawng hkan sin nga ai agyi du ni gaw ndai ni rai ma ai-

1. Subedar Jinghpaw Gam. ( Jinghpaw Lahtaw )
2. No. 878 Naik Nhkum Naw ( Nhkum )
3. No. 881 L/ Nk Lahpai Tu ( Lahpai luding )
4. No. 407 L/ Nk Maran Gam. ( Maran ).

Bai ndai mare ni mung ani ni sha re ai, Manchyam, Saubung, Lailaw, Ludin, Lana hpara, dai mare kahtawng hkan nga ai agyi Du ni ndai hte rai ma ai.

1. Subedar Hpau Lu La. ( Maran )
2. Jemadar Sau Tu ( Nhkum )
3. Nh. 634 Naik Maru Tu.

"Major Enriket" shingma galu Du wa a orderly gaw masha 2 rai ma ai. 1. Labang Tu (Hkritu) Balawng dingsa na re. 2. Nbrang Gam, Lailaw na re ai law.

Bai nna Nmau hka de masha marai 43 nga ma ai. Dai ni mare loi loi gang hkat mat sai. Raitimung shanhte nga ai shara madung gaw, MOLO makau hkan rai nga ai. Dai kahtawng ni a mying, Loi Lung, Saga Nam hkum, Tinghkung, Siri kahtawng, Tung hung lunga, Loi kaw, Ioi ya, Nam hpum, Man Pat, dai ga de nga ai Agyi Du ni ndai hte rai ma ai.

1. No. 246    Naik Hpauung La.
2. No. 885    L/Naik Hkra Naw ( Labang Pan sa )
3. No. 845    Hav Nhkum Naw.
4. No. 675    Hav Labya La.
5. No. 1508  Naik Mihtoi Naw. (Palawng)
6. No. 983   L/Naik Hkangda Naw.

Bai nna Lashio bum ga de nga ai Jinghpaw hpyen ma masha 13 re. Ndai masha ni gaw nta ram ram tsan hkat ma ai. Dai hta kaga Hkahku, Hukong ga de na masha 2 lawm ma ai. Katha District e nga ai masha mung marai 3 lawm ma ai. Katha makau de nga ai ni No. 1712 Sarzen Sau La, No. 846 Sarzen Lahpai Tu yan rai ma ai.

1917 ning August shata 15 ya shani Jinghpaw ma ni yawng 230 MESOPOTAMIA ga de du masai. Bai nna 1917 ning October shata 20 ya shani Jemadar Sawan Tang hte rau Jinghpaw hyen ma 80 bai dujat sai. 1918 ning Aril shata 28 ya shani Jemadar Kolu Gam hte rau hpyen ma 66 bai du sai. Bai nna November shata 5 ya shani Sarzen Maru Naw hte rau masha 52 bai dujat sai.

Hpyen majan gasat ngut ai shaloi Jinghpaw hpyen ma ni yawng 390 sinna ga e nga ma ai. Ndai masha 390 hta na masha 22 sinna ga kaw nna Myen ga de ahkun wa ma ai. Bai nna, machyi jung ai majaw ndai hpyen ma marai 7 gaw, sinna ga e mungkan ga ntsa na lai mat wa masai.

BUSRA NGU AI SHARA KAW Sl MAT WA Al NI1 No. 663 Lasang Gam, si ai nhtoi 29.8.1917
2. No. 981 Malang Gam, si ai nhtoi 16.8.1917
3. No. 413 L/Nk Sau Gam, si ai nhtoi 29.4.1918

AMARA NGU AI SHARA KAW SI MAT AI NI
1. No. 1520 Num La Gam, si ai nhtoi 15.7.1918
2. No. 1725 Nhkum Hka, 2.10.1918
3. No. 979 Sum Lut Gam, 1.11.1918
4. No. 1765 Nhkum Gam, 27.10.1918
( ndai wa gaw ALIGHARBI ngu ai shara kaw si sai.)

Ndai Mungkan ga ntsa na lai mat wa ai hpu nau ni gaw, Atsuya hpe grai garum sai law. Ndai si mat ai ni a numla, shanhte a nta ga de teng teng du wa na sai law.

Bai nna. hpyen gasat ngut ai shaloi hpyen masha Jinghpaw ma ni marai 123 jak sanat Lwis gun, ( Lwis Gun ) amu ni chye sai. Bai Bomb kabai sharin ai Jinghpaw hpyen ma 146 rai ma ai. Bai man pyawng amu (Signaller) galaw ai ni marai 8 rai ma ai. Bai Jinghpaw hpyen ma marai 67 laika chye ka sai. Dai hta kaga laika chye hti chye ka ai masha ram ,ram law wa sai. Bai anhte Jinghpaw ni a Du kaji gaw, B.RUFFEL Du wa re ai law.

Myen ga de nga nna Jinghpaw Rangrut law law lahkawn bang ai hte lam shagu hta anhte Sinna ga de nga nga ai Jinghpaw hpyen ma ni hpe grau garum shingtau ai wa gaw Sakawt (SCOOT) Du wa re ai. Shi, Jinghpaw rangrut law law lahkawn lu ai majaw anhte sinna ga de nga nga ai Jinghpaw hpyen ma ni myit kabu gara hte hkawm sa lu saga ai law.
JINGHPAW NI ARAWNG KABA AI LAM

1. Aw hpu nau manang ni e, ya Jinghpaw ni arawng grai kaba sai law, Dai majaw Du agyi ni hte nanhte Jinghpaw hpyen ma ni yawng Jinghpaw hpyen dap langai mi grai ra ai, Jinghpaw ni hkrai san san rai nna nga lu ai hpyen dap hpe ra ai majaw, Myen, Kayin, ma ni zawn zawn nanhte mung Jinghpaw Battalion grai ra ai lam tsun sai. Dai majaw nanhte a [MAJOR] mejat duwa Myen ga de ahkun wa ai shaloi, Myen ga de nga ai atsuya du ni hte hpyen du kaba ni hpe nanhte tsun ai ga ni atsawm sha tsun dan sai.

Dai shanhpraw du ni nkau mi grai garum mayu ma ai. Nkau mi n garum mayu ma ai re. Ngai hte rau sinna ga de hkawm ai du wa gaw, Myen ga de bai du wa jang rangrut law law lahkawn mayu sai. Ngai tsun dan ai gaw, dai rangrut ni Military Police dap e shang na n hkraw masai, ngu nna tsun sai.

Bai ngai Sinlum bum ga de hkawm lung wa ai shaloi, Jinghpaw masha 2000, (hkying lahkawng) daram zuphpawng kaba galaw nna, "Padang Manau" nau sai. Ndai Padang manau hta bumga na Jinghpaw du salang ni yawng, atsuya hpe ndai lam laika shagun dat sai law.

2. Anhte bum ga de nga ai Jinghpaw ni arawng kaba ai majaw Jinghpaw hpyen dap langai mi hpaw ya na grai ra ga ai. Ya Sinlum bum ga de na shabrang ma ni ma hkra hpyen shang sai. Raitimung Mung-Myit sinli ga, Mali hka, Hkahku ga. Lashio ga, ndai ga ni hta na shabrang ma ni hpe grai naw n lahkawn lu la ai. Bai anhte Jinghpaw ni shaga ya lu ai nga nna ka shagun dat sai.

3. Aw ngai hte rau tsawra ai hte kanawn mazum hkawm nga ai ni e, ndai lam gaw arawng kaba ai lam re. Jinghpaw ni hkrai san san hpyen dap hpaw galaw wa ai lam gaw grai myit kabu shara rai nga ai law. Bai nna Jinghpaw ni a hpung shingkang arawng sadang gaw prat mi hte prat mi htani htana dinggrin arai nga u ga law.

4. Ndai lawu de mying rawng ai hpu nau du agyi ni hte hpyen ma ni gaw mare kahtawng hte yep madun tawn nga ai rai nna, ndai hpu nau ni Jinghpaw amyu ni a matu sinna ga MESOPATAMIA de shawng du nna ya du hkra Jinghpaw ni a arawng kaba ai lam sakse hkam da ai ni rai nga ma ai. Masha nkau mi mungkan ga ntsa na lai mat wa masai, nkau mi ya aten du hkra tinang a arawng aya hte rau naw ningngai nga ma ai, Lai wa sai dai shaloi na aten hte ya na aten hpe sawn sagawn wa yu yang grai shai mat wa sai rai.

Ndai hpu nau nkau mi hta na 1897 ning daram kaw nna English atsuya hpyen bungli hta shang galaw ai ni mung lawm nga ma ai.

No.        Rank    Name   Village
Nambat Aya      Mying . Mare Kahtawng

1. Subedar Chyinghpaw Gam, Gara Bum Chyang
2. Subedar Hpu Lu La, Namhka
3. Jemadar Kolu Gam, Hku Hkawng
4. Jemadar Sumdu La , Jau Maw
5. Jemadar Kumje Naw, Hpalang
6. Jemadar Sawan Tang , Lajawng
7. Jemadar Sau Tu.IDSM.OBI, Pungling
8. Jemadar Myitung Tang I.O.M , Shangtai
9. No. 1712 CHM Sau La, Hkauna Kahtawng
10. No.845 CQM Nhkum Naw, Loihkam
11. No.2001 CQM Lasang Gam, Maru kahtawng
12. No.846 Pay H Lahpai Tu, Gadu
13. No.396 Hav Sabaw Yaw, Maikung
14. No. 632 Hav Sau La, Wa Jau Loilung
15. No.739 Hav Bawmi Gam, Loilung Bum
16. No.1725 Hav Lahpai La, Lamai Bang
17. No.847 Hav Chyau Chi Naw, Sinlum kaba
18. No.468 Hav Zau Yaw, Sinlum
19. No.633 Hav Labya La, Loikaw
20. No.848 Hav Nhkum Hka, Behtu Hpara
21. No.1204 Hav U Jik La, Lawmun Kawang
22. No.851 Hav Myitung Naw, Lahtaw Hka Pra
23. No.852 Hav Maru Naw, Yinlung Shan
24 No.397 Hav Lasang Gam, Hkringmu dan
25. No.471 Hav Myitung Gam, Shangtai
26. No.634 Naik Maru Tu ,Hpunggan Gitawn
27. No.1715 Naik Myitung Tu, Lahtaw Wala
28. No.1714 Naik Lazing Naw, Mungloi
29. No.1310 Naik Sau Tu, Pun Lum
30. No.236 Naik Hpau Ung La, Tun Hung
31. No.879 Naik Sau La, Mantau
32. No.878 Naik Nhkum La, Hpai Dan
33 No.867 Naik Labya Tang, Hpa Jau
34. No.637 Naik Myihtoi Naw, Loi Ya
35. No.402 Naik Kolu Tu, Sinlum Kaba
36. No.399 Naik Maji Gam, Hkalum
37. No.1166 Naik Bala Naw, Hpak Gum
38. No.638 Naik Labang Naw, Balawng Dingsa
39. No.2475 Naik Sin Wa La, Ndung Yang
40. No.450 Naik Sumlut Gam, Sadung
41. No.635 L/NK Myitung Gam, Jau Maw
42. No.636 L/NK Maru Naw, Maru Kahtawng
43. No.400 L/NK Tu Lum, Sinlum Kaba
44. No.237 L/NK Lama Tang, Behtu Hpara
45. No.1311 L/NK Lazing La, Lum Mungloi
46. No. 1734 L/NK Maji Hka, Worabum
47. No.882 L/NK Manam Naw, Wabaw
48. No.881 L/NK Lahpai Tu, Manchyam
49. No.889 L/NK Myitung Tang, Lahtaw Wala
50. No.908 L/NK Labang Naw, Dung Hkung
51. No.413 L/NK Sau Gam, Hka Pra (Si sai)
52. No.637 L/NK Pau Sa La Rip, Manpat
53. No.853 L/NK Kalau Sau Gam, Mandung
54. No.855L/NK Hkra Naw, Saga Nam Hkum
55. No.912 L/NK Lazum La, Bumwa
56. No.415 L/NK Maru Tu, Man Bup ( miwa ga)
57. No.877 L/NK Chyang Maw La, Kawngwai
58. No.488 L/NK Lasang Naw, Hkringmu Dan
59. No.406 L/NK Kumbau la, Mantau
60. No.408 L/NK Nhtin Gam, Nam Ya
61. No.470 L/NK Maran Gam, Hpai Dan
62. No.449 L/NK Maru Gam, Yinlung Shan
63. No.462 L/NK Dinggrin Tu, Manmaw
64. No.453 L/NK Nhkum Tu, Manhkang
65. No.458 L/NK Zahkung Naw, Lawdan
66. No.403 L/NK Kareng Tang, Hkunhkawng
67. No.1747 L/NK Chyau Hpa Gam, Hpunggan gitrawn
68. No.401 L/NK Sau Du, Hkuhkawng
69. No.1167 L/NK Zau Yaw, Sinlum Hkudung
70. No.1602 L/NK Hpau Nat La, Panghkuk
71. No. 918 L/NK Kolu Htoi, Manhkang
72. No. 9168 L/NK Maru Naw, Manhkang
73. No. 943 L/NK Hkangda Naw, Namtau (Sinli ga)
74. No. 1733 L/NK Ja La, Kadaw
75. No. 2481 L/NK Maji Naw, Lawhkum Bang Shau
76. No. 2482 L/NK Zahkung La, Lawdan
77. No. 2517 L/NK Lazum Naw, Sinlum kaba
78. No. 2493 L/NK Hpau Jung Gam, Lahtaw Wala
79. No. 2504 L/NK Zahkung Naw, Yinlung Shan

Ndai lahta e mying madun tawn ai ni gaw, agyi du aya lu ai ni sha re. Ngam ai hpyen ma 311 hte gaw hpyen la rai ma ai. Ndai zawn anhte a kanu kawa jan shang ai sinna ga de magroi hte grit, salu salat hte grit rai nna anhte Jinghpaw Wunpawng sha ni a matu sa shakut shaja da ai majaw anhte Jinghpaw ngu ai amyu sha ni a ka matsing ai laika buk hta lawm lu ai hte amyu a matu sakse hkam da ya ai rai nna, anhte Jinghpaw Wunpawng sha ni Jinghpaw Mungdaw ngu ai Shanglawt lu ai shani du hkra naw pra nga ai ni hpe grai chyeju dum shara rai nga ga ai law.

Kadai rai timung ndai sinna ga de sa du nna amyu a matu sakse hkam lu ai ni hkrai byin rai wa ai zawn anhte mung htawm hpang prat na anhte a kashu ni a sakse hkam da ya lu ai ni rai u ga, shakut shaja sa wa ga law.

JINGHPAW HPYEN DAP LABAU LAIKA
PENSION HPUNG BHAMO 1954, Laika man 34-46