Maigan daju Wunpawng Jinghpaw hte Ramma Hpung (AKSYU) gaw, du wa sana 2010 ralata poi hpe ninghkap ai mahkawn series hpe ndai bat hpang masum, October 27 ya kaw na Jinghpaw mungdaw kata shabra hpang sai lam, jawngma hpung ningbaw Shadang Leonard tsun ai.
“Rawt” ngu ai mahkawn series gabaw jaw da ai ndai mahkawn ni gaw, Myen hpyen asuya kawn, ralata poi hte n jaw ai lam de woi wa maw ai hpe jawm ninghkap na matu, shagawp da ai mahkawn rai nga ai.
Mahkawn gabaw ni gaw, “mayam, rawt ga, chyikhkai mahkret, daini dum ra sai, Panglung hpe myit mada, chye ging ai (sam ga hku) hte ahkaw ahkang kachyi mi jaw na masu magaw galaw (Rawang ga hku)” ni rai nga ai.
“N tara ai hku atik anang shagrin tawn ai, 2008 gawda ai tara hta ningpawt let galaw ai ndai ralata poi gaw tara ai lam n nga ai, dai majaw ninghkap ra ai hpe mungshawa ni hpe tsun shadum mayu ai majaw re ai,” nga, ninghkap mahkaw shapraw ai hte nna, Leonard kawn sang lang dan ai re.
“Jet ai Jinghpaw mungdaw hpe myit mada na, Jinghpaw myusha ni simsa ai shaning law law la yu wa sai raitim, hpyen asuya sha uphkang nga ai, gawda tara galaw shapraw na, hpyen asuya hpe madi shadaw na ralata poi du wa nga, mung hpe, myu hpe tsawra ai ni dum hprang ra sai, 2010 ralata poi hta, chyikchyai kumla hpe myit hta bang da nna, ninghkap mat na matu anhte kaw ahkaw ahkang nga ai, yawng jawm ninghkap sa wa ga,” nga na mahkawn hta ka shagawp nna mahkawn tawn ai re.
Mahkawn series hta lawm ai, “Panglung hpe myit mada let” ngu ai mahkawn hte seng nna jawng ma ningbaw wa sanglang dan ai gaw, “Panglung ga sadi hpe anhte gaw jum tek tawn da ai re. Bawsang myusha ni yawng hte gumhpawn nna, gawgap da ai, jet ai munghpawm hpe ra sharawng ai,” nga re.
Jinghpaw hte Sam ga hku na mahkawn tawn ai ndai mahkawn ni hpe, internet kaw October 25 ya kawn shapoi hpang sai rai nna, Jinghpaw mungdaw mare kaba ni hta, mahkawn series (hkwi) 1,000 daram hpe October 27 ya kawn, manu jahpu n la ai sha gam jaw hpang sai re lam, chye lu ai.
AKSYU gaw, 2008 gawda tara hpe shagrin ai lam hpe woi ninghkap hpang wa nna, ya ten du hkra gawda tara hpe ladat amyu myu hku nna, laika garan ai, mungga tsun ai hku ninghkap nga ai rai nga ai.
“Mahkawn hku na rai nga, grau dam lada ai hku lu galaw ai, grau na tang du ai, Jinghpaw myusha ni malawng gaw, mahkawn ra ai majaw mung re,” nga nna, jawngma ningbaw Leonard tsun ai.
“Rawt” ngu ai mahkawn series gabaw jaw da ai ndai mahkawn ni gaw, Myen hpyen asuya kawn, ralata poi hte n jaw ai lam de woi wa maw ai hpe jawm ninghkap na matu, shagawp da ai mahkawn rai nga ai.
“N tara ai hku atik anang shagrin tawn ai, 2008 gawda ai tara hta ningpawt let galaw ai ndai ralata poi gaw tara ai lam n nga ai, dai majaw ninghkap ra ai hpe mungshawa ni hpe tsun shadum mayu ai majaw re ai,” nga, ninghkap mahkaw shapraw ai hte nna, Leonard kawn sang lang dan ai re.
“Jet ai Jinghpaw mungdaw hpe myit mada na, Jinghpaw myusha ni simsa ai shaning law law la yu wa sai raitim, hpyen asuya sha uphkang nga ai, gawda tara galaw shapraw na, hpyen asuya hpe madi shadaw na ralata poi du wa nga, mung hpe, myu hpe tsawra ai ni dum hprang ra sai, 2010 ralata poi hta, chyikchyai kumla hpe myit hta bang da nna, ninghkap mat na matu anhte kaw ahkaw ahkang nga ai, yawng jawm ninghkap sa wa ga,” nga na mahkawn hta ka shagawp nna mahkawn tawn ai re.
Mahkawn series hta lawm ai, “Panglung hpe myit mada let” ngu ai mahkawn hte seng nna jawng ma ningbaw wa sanglang dan ai gaw, “Panglung ga sadi hpe anhte gaw jum tek tawn da ai re. Bawsang myusha ni yawng hte gumhpawn nna, gawgap da ai, jet ai munghpawm hpe ra sharawng ai,” nga re.
AKSYU gaw, 2008 gawda tara hpe shagrin ai lam hpe woi ninghkap hpang wa nna, ya ten du hkra gawda tara hpe ladat amyu myu hku nna, laika garan ai, mungga tsun ai hku ninghkap nga ai rai nga ai.
“Mahkawn hku na rai nga, grau dam lada ai hku lu galaw ai, grau na tang du ai, Jinghpaw myusha ni malawng gaw, mahkawn ra ai majaw mung re,” nga nna, jawngma ningbaw Leonard tsun ai.
No comments:
Post a Comment
Masha langai ngai a tingkyeng shinggyim ahkaw ahkang hpe hkra machyi shangun ai zawn re ai Gasi ,Ga hkum ni,Kyinsha Lasha re ai Gasi,Ga hkum ni hpe koi gam ga