Wan hpyen hkrum nga ai ni hpe matut manoi hkye mawai nga

Kachinnet  2010 October 28 ya.


Lai wa sai 2010 October 25 ya jahpawt 00:30 aten  Laiza Muk Lum Masat (1) gat wang hta wan hpyen hkrum nga ai ni hpe Wan Hpyen Hkrum Hkye Mawai Lakawn Komiti kaw nna 25/20/2010 shana kaw nna hkye mawai magam bungli matut manoi galaw mat wa sai re hpe chye lu ai.


Hkye mawai komiti kaw nna 26/10/2010 jawhpawt kawn yaw shada tawn da ai masing hte maren wan hpyen hkrum ai mung shawa jahpan hte wan hpyen hta lawm mat wa ai arung arai ja gumhpraw jahpan  hkan hta mat wa ai hta Laiza Muklum kata na mung shawa ni hte kaga ginra na gat sa dut nga ai masha yawng 336 tsin yam hkrum ai rai nna Laiza Muklum kata na mung masha htinggaw (8) hte masat (1) gat wang kata na gat seng lawk (188) hkru lawm mat ai hte wan hpye a majaw galip hkrum ai dum n’ta/gat seng (5) re hpe chye lu ai. Tsin yam hkrum ai ni kaw na sum machyi hkrum mat ai dum n’ta arung arai hpe sagawn dat yang ja gumhpraw hku sawn ai shaloi Ks. 7094,70000 hte Yuan 66,70000 rai nga ai.

Tsin yam hkrum ai ni hpe byin ai shana kaw nna Seng ang ai magam dap hte makam masham hpung ni yup shara hte malu masha hpe alum ahkum garum nga ai hpe chye lu ai. Hkye Mawai Komiti kaw na mung Laiza Hotel lawu htap kaw rung gan shatai let tsin yam hkrum ai ni hpe ja gumhpraw alu,arung a rai alu, malu masha a lu hte kaga a lu law hpe hkap la ya nga ai rai nna mani 27/10/2010 hte dai ni 28/10/2010 hta Magam Dap kata na Hpyen Num Hpyen La ni hte Laiza Muklum Ramma ni rau ta gindun let shani tup hkru hten run mat wa ai maza mala ni hpe jasan jaseng nga ding yang re hpe chye lu ai.