By KNG
Galaw ngut sai November 7 Ralata Poi gaw tara rap ra ai hte wanglu wanglang ahkaw ahkang n nga ai hpe, National Democratic Force (NDF) pati a Slg. Ma Hka gaw, Naypyitaw Ralata Poi Komishin hte Democracy ningbaw Slgj. Awng San Su Chyi de laika tang dat sai re.
Ndai laika hpe ‘Ralata Poi Komishin a gawng kya ai lam, Pyi Hkai Hpyu Pati (USDP) a n tara ai hku ralata me zinlum ai lam ni,’ ngu ai gabaw lahkawng shatut na, sa dat ai re lam Slg. Ma Hka tsun ai.
Seng ang ai, ralata poi komishin ni gaw, me jaw na ni hpe, USDP hpe sha me jaw na matu matsun madun ai lam ni galaw wa sai hte, tau hkrau nna, jau hta da ai me ni hte seng nna mung, ralata poi rit kawp tara ni hte n htan shai nga ai lam, laika hta ka madun tawn ai re.
“Slgj. Muk Hkawn Ra asak 51 ning gaw, gara de hkawm sa na lam n nga tim, shi hpe tau hkrau me bang na matu lahkawng lang tsun hkrum sai, dai majaw shi mung hkrit nna, Pyi Hkai Hpyu pati hpe me jaw kau ai, ndai gaw, Pyitu Luttaw ralata poi rit kawp tara gawk 11, masat 54 hte n htan shai nga ai,” nga Ma Hka tsun ai.
Dai zawn sha, Mungdaw komishin kaw na mung ralata a matu tara rit kawp hte n htai shai ai lam ni law law galaw wa sai lam shi tsun ai.
Mungdaw me shingjaw shara (me san-da ne) kaw na, N’Jang Yang me san-da ne no.2 hte Sumprabum me san-da ne no.2 shara ni hpe dawm kau sai lam shang shingjawng ai datkasa ni hpe, n shana ai sha, ralata poi ngut ai hpang, dang mat ai, datkasa ni a mying hta mung bai ka shalawm da ai lam chye lu ai.
November 17 ya shani shapraw ai Myen hpyen asuya a shi laika kaw she, N’Jang Yang me san-da ne no.2 kaw na Pyi Hkai Hpyu datkasa Slg. Brang Shawng hte Sumprabum me san-da ne no.2 na datkasa Slg. Mungpaw Naw ni a mying hpe, ralata poi dawm kau ai shara kaw na re majaw, dang mat ai datkasa ni a mying kaw na bai, shaprai kau ai re lam ka tawn ai.
“Anhte gaw hpa mung n chye ai. Ralata poi shang na matu galaw taw ai shaloi mung hpa n chye ai. Hpang daw de she me san-da ne dawm kau ai lam shi laika kaw na mu hti ai. Dai aten she Myen mung ting shi laika kaw na mu hti chye ai re,” nga nna, Myen hpyenla dingsa Slg. Brang Shawng tsun ai.
Sumprabum me san-da ne no.1 kaw na shang shingjawng ai, Pyi Hkai Hpyu datkasa Slgj. Bawk Ja tsun ai mung, ya na zawn asuya a shi laika kaw na ka tawn da ai hpe, Slg. Mungpaw Naw gaw n chye shi ai hte, November 13 ya shani shapraw ai shi laika hta gaw, ralata poi dang ai, datkasa ni a mying hta shi a mying shalawm na, Slg. Mungpaw Naw a mying n lawm ai hte, Mungpaw Naw gaw seng ang ai ni kawn na shi hpe laksan bai shana na re nga myit mada nga ai lam, Slgj. Bawk Ja tsun ai.
Jinghpaw mungdaw a ralata poi komishin gaw, Wunpawng Mungdan Shanglawt Hpung (KIO) ni uphkang ai shara ni rai nga ai, ginwang 9 kaw na, mare 68 hta, shimlam n-nga ai ngu nna, ralata poi n-galaw sana re lam hpe, September 16 ya shani hta ndau wa sai re.
Ya na zawn mungdaw komishin a gawng kya ai lam ni hte tara rap ra ai lam, wanglu wanglang ahkaw ahkang n nga ai ralata poi re ai lam ni hpe, Mungdaw komishin, ginwang komishin hte ninghtawn komishin rung ni de matut laika ka nna tang madun mat wa na re lam, Slg. Ma Hka tsun ai.
Ndai laika hpe ‘Ralata Poi Komishin a gawng kya ai lam, Pyi Hkai Hpyu Pati (USDP) a n tara ai hku ralata me zinlum ai lam ni,’ ngu ai gabaw lahkawng shatut na, sa dat ai re lam Slg. Ma Hka tsun ai.
Yangon daju NDF pati a Jinghpaw mungdaw a datkasa lahkawng-- Saranum Bawk Ja hte Slgj. Ma Hka (pai kawn hkra de). Datkasa lahkawng yan me n dang ai. Sumla: Kachin News Group
“Slgj. Muk Hkawn Ra asak 51 ning gaw, gara de hkawm sa na lam n nga tim, shi hpe tau hkrau me bang na matu lahkawng lang tsun hkrum sai, dai majaw shi mung hkrit nna, Pyi Hkai Hpyu pati hpe me jaw kau ai, ndai gaw, Pyitu Luttaw ralata poi rit kawp tara gawk 11, masat 54 hte n htan shai nga ai,” nga Ma Hka tsun ai.
Dai zawn sha, Mungdaw komishin kaw na mung ralata a matu tara rit kawp hte n htai shai ai lam ni law law galaw wa sai lam shi tsun ai.
Mungdaw me shingjaw shara (me san-da ne) kaw na, N’Jang Yang me san-da ne no.2 hte Sumprabum me san-da ne no.2 shara ni hpe dawm kau sai lam shang shingjawng ai datkasa ni hpe, n shana ai sha, ralata poi ngut ai hpang, dang mat ai, datkasa ni a mying hta mung bai ka shalawm da ai lam chye lu ai.
November 17 ya shani shapraw ai Myen hpyen asuya a shi laika kaw she, N’Jang Yang me san-da ne no.2 kaw na Pyi Hkai Hpyu datkasa Slg. Brang Shawng hte Sumprabum me san-da ne no.2 na datkasa Slg. Mungpaw Naw ni a mying hpe, ralata poi dawm kau ai shara kaw na re majaw, dang mat ai datkasa ni a mying kaw na bai, shaprai kau ai re lam ka tawn ai.
“Anhte gaw hpa mung n chye ai. Ralata poi shang na matu galaw taw ai shaloi mung hpa n chye ai. Hpang daw de she me san-da ne dawm kau ai lam shi laika kaw na mu hti ai. Dai aten she Myen mung ting shi laika kaw na mu hti chye ai re,” nga nna, Myen hpyenla dingsa Slg. Brang Shawng tsun ai.
Sumprabum me san-da ne no.1 kaw na shang shingjawng ai, Pyi Hkai Hpyu datkasa Slgj. Bawk Ja tsun ai mung, ya na zawn asuya a shi laika kaw na ka tawn da ai hpe, Slg. Mungpaw Naw gaw n chye shi ai hte, November 13 ya shani shapraw ai shi laika hta gaw, ralata poi dang ai, datkasa ni a mying hta shi a mying shalawm na, Slg. Mungpaw Naw a mying n lawm ai hte, Mungpaw Naw gaw seng ang ai ni kawn na shi hpe laksan bai shana na re nga myit mada nga ai lam, Slgj. Bawk Ja tsun ai.
Jinghpaw mungdaw a ralata poi komishin gaw, Wunpawng Mungdan Shanglawt Hpung (KIO) ni uphkang ai shara ni rai nga ai, ginwang 9 kaw na, mare 68 hta, shimlam n-nga ai ngu nna, ralata poi n-galaw sana re lam hpe, September 16 ya shani hta ndau wa sai re.
Ya na zawn mungdaw komishin a gawng kya ai lam ni hte tara rap ra ai lam, wanglu wanglang ahkaw ahkang n nga ai ralata poi re ai lam ni hpe, Mungdaw komishin, ginwang komishin hte ninghtawn komishin rung ni de matut laika ka nna tang madun mat wa na re lam, Slg. Ma Hka tsun ai.
No comments:
Post a Comment
Masha langai ngai a tingkyeng shinggyim ahkaw ahkang hpe hkra machyi shangun ai zawn re ai Gasi ,Ga hkum ni,Kyinsha Lasha re ai Gasi,Ga hkum ni hpe koi gam ga